من نحن
نحنا طلاب متلكم، ومرّينا باللي بتمرّوا فيه: توهان وأسئلة متل «شو أعمل؟»، وفكرة اخترناها وهي أكبر من وقتنا، وقطعة اكتشفنا متأخر إنها مش موجودة بالأردن أصلاً.
وبأكثر من مشروع عملناه صار عنا خبرة: نعرف شو بينفع وشو بيفشل، ومن وين تجيب القطعة وبكم. فبدل ما نحتفظ فيها، حوّلناها منصة — هدفها الأول إنه الطالب ما يعيش التوهان اللي بيقتل أي فكرة مميزة.
وما بنبيع أفكار. الأفكار كلها مفتوحة ومجانية بتفاصيلها. بنوفّر الشي اللي بيأخّرك فعلاً: القطعة الصح من مورّد حقيقي بإربد، بديل أرخص لما تكون غالية، وحدا يرد عليك لما تتعقّد.
المشروع شغلك إنت.
إحنا بس منشيل العقبات اللي مالها علاقة بشغلك.
شو بنقدّم
- أفكار جاهزة ومجانية
الوصف والمكونات والتكلفة التقريبية مفتوحة للكل، بلا تسجيل.
- القطع مجهّزة
سلة لكل مشروع بالبدائل والأسعار، بتطلبها بواتساب وبتوصلك.
- استشارة لمن يحتاجها
جلسة ومستند فيه المسار التقني وحلول التحديات، بـ٥ د.أ. مش إلزامية.
- تعديل على المشروع
بدك تغيّر قطعة أو تضيف ميزة أو تبسّطه لميزانيتك؟ احكيلنا وبنرد بالسعر والمدة.
- مجتمع لكل جامعة
تسأل زملاءك، تعرض شغلك، تدوّر على شريك، وتتابع مواعيد التسليم.
شو ما بنعمله
- ما بنعمل المشروع بدل الطالب، وما بنكتب كوداً جاهزاً للتسليم.
- ما بنوعدك بعلامة، الشغل شغلك والمناقشة مناقشتك.
- ما بنبيع بياناتك، وبريدك ورقمك الجامعي ما بيظهروا لأحد.
عندك سؤال أو فكرة؟
احكيلنا فكرتك ولو ما لقيتها عندنا، بنشوف كيف نساعدك تنفّذها.